နောက်ခံသမိုင်း

မြန်မာ့ရေနံနဲ့ သဘာဝဓါတ်ငွေ ကျွမ်းကျင်ပညာရှင်မျာအဆိုအရ မြန်မာနိုင်ငံတ၀ှမ်းလုံး၏ (22 blocks) သည် ရေနံနဲ့ သဘာဝဓါတ်ငွေ့များ ရှာဖွေစမ်းသပ်ခြင်းများကို ခံနေရပါသည်။ PSC- A လုပ်ကွက် နယ်နမိတ်သည် ကမ္ဘာ့အကြီးဆုံး ကျားဘေးမဲ့နေရာဖြစ်ပြီး ကချင်ပြည်နယ်တွင် တည်ရှိသည်။ ၂၀၀၈ စက်တင်ဘာလအတွင်း၊ ရုရှားမှ (Nobel Holdings Investment Limited) ကုမ္မဏီနှင့် ၄င်းရဲ့ စီးပွားရေးအကျိုးတူ လုပ်ဆောင်ဖက်ဖြစ်သည့် ထူးကုမ္မဏီလီမိတက်မှ ထိုနယ်နမိတ်အတွင်း ရှာဖွေ စမ်းသပ်လုပ်ဆောင်ခွင့်ကိုရရှိခဲ့သည်။ ယနေ့ချိန်ထိ ကုမ္မဏီများမှ ၄င်းတို့၏ ချိုင့်ဝှမ်းအတွင်း ရေနံနှင့် သဘာဝဓါတ်ငွေရှာဖွေစမ်းသပ်ခြင်းနှင့်ပတ်သက်၍ မည်သည့်အတိုင်းအတာထိ ပြုလုပ်ပြီးကြောင်းကို ရှင်းရှင်းလင်းလင်းမသိရသေးပေ။

စိုးရိမ်ချက်များ

တရုတ်နိုင်ငံမှ ရခိုင်ပြည်နယ်အတွင်း ရေပေါ်၊ ရေအောက် ရေနံနှင့်သဘာဝဓါတ်ငွေ့တူးဖော်ရေး လုပ်ငန်းများကို သုတေသနပြုချက်များအရ

  • လယ်မြေဧက ရာပေါင်းများစွာ သိမ်းဆည်းခံကြရသည်။
  • ဒေသခံပြည်သူများ၏ လယ်ယာစိုက်ပျိုးခြင်းနှင့် ရိုးရာဓလေ့ ရေနံတူးဖော်ခြင်းများပါဝသည့် လူနေမှုဘ၀များပျောက်ဆုံးကြရသည်။
  • ထိုသို့ဆုံးရှုံးခြင်းများအတွက် ဒေသခံများမှ ယခုအချိန်ထိ ထိုက်တန်သည့် လျော်ကြေး များမရ ကြပေ။
  • ဒေသခံပြည်သူများမှ လစာနည်းပါးသည့် ပုံမှန်မရှိသော အလုပ်များကိုသာ ရရှိကြသည်။
  • အလုပ်သမားစခန်းများ သန့်ရှင်းမှုမရှိခြင်းနှင့် ဒေသ၏ ဓလေ့ထုံးတမ်းများကို လေးစား လိုက်နာမှုမရှိပေ။
  • အဆိပ်အတောက်ဖြစ်စေသော အမှိုက်များအား ဒေသဆိုင်ရာရေကြောင်းများအတွင်း စွန့်ပစ် ကြသည်။
  • ဒေသခံများမှ ဆုံးဖြတ်ချက်ချသည့်နေရာများတွင်း ပူးပေါင်းပါဝင်ခွင့်မရှိပေ။
  • စမ်းသပ်လေ့လာရေးကာလအတွင်း ဒေသခံပြည်သူများသည် ဆိုးဝါးပြင်းထန်သည့် ပေါက်ကွဲမှု ထောင်ပေါင်းများစွာကို ရင်ဆိုင်တွေ့ကြုံရသည်။

အသေးစိတ်အချက်အလက်များ သိလိုလျှင် Blocking Freedom ကို ဖတ်ရှုနိုင်သည်။

အဖြေရှာခြင်း

  • မြန်မာနိုင်ငံတွင် ပြည်သူများမှ ၄င်းတို့ဒေသရှိ အရင်းအမြစ်များအသုံးပြုရန်နှင့် ပို့ဆောင်ဆက်သွယ်ရေးဖွံ့ဖြိုးတိုးတက်မှုများနှင့်ပတ်သက်၍ ခြိမ်းခြောက်မှုများကို ကြောက်ရွံ့နေရခြင်းများမှ ကင်းလွတ်ပြီး ဆုံးဖြတ်ချက်ချသည့် လုပ်ငန်းစဉ်များတွင် ပါဝင်ခွင့်ရသော ဒီမိုကရေစီနည်းအရ ရွေးချယ်တင်မြှောက်သည့် အစိုးရတရပ် ပေါ်ပေါက်လာသည်အထိ ရေနံနှင့်သဘာဝဓါတ်ငွေ့ တူးဖော်ခြင်းများကို ရပ်တန့်ထားရန်။

  • မြန်မာနိုင်ငံတွင် ပြည်သူလူထု၏ လိုအပ်ချက်များကို အဓိကထားသည့် တိုးတက်သည့် စွမ်းအင်ပေါ်လစီထားရှိရန်။

  • မြန်မာနိုင်ငံအတွင်း လုပ်ငန်းများ ကောင်အထည်ဖော် လုပ်ဆောင်နေသည့် ကုမ္မဏီများ၊ အထူးသဖြင့် ပိုမိုတိုးချဲ့လာသည့် စက်မှုလုပ်ငန်းများနှင့် ပတ်သက်၍ သေချာစွာ စီစစ်ခြင်းများနှင့် စည်းမျဉ်းစည်းကမ်းများထားရှိသင့်သည်။

  • ရေရှည်တည်တံ့ခိုင်မာစေနိုင်သည့် အခြား တူးဖော်ရေး မူဝါဒများကို ဒီမိုကရေစီနည်းအရ တင်မြှောက်ထားသည့် အစိုးရမှ ရေးဆွဲရမည်။ သဘာဝပတ်ဝန်းကျင်ကို ဆိုးကျိုးသက် ရောက်မှုနည်းစေပြီး လူမှုပတ်ဝန်းကျင်မှလဲ စီမံဖြေရှင်းနိုင်သည့် အသေးစား တူးဖော်ရေး လုပ်ငန်းများ မြန်မာနိုင်ငံတွင် ယခင်ကတည်းကပင် သုံးစွဲလျှက်ရှိနေပြီဖြစ်သည်။ ထိုကဲ့သို့ လုပ်ငန်းများကို အနာဂါတ်တွင် ပိုမိုဖွံ့ဖြိုးတိုးတက် လာသင့်သည်။